<<甩牌之謎>>

<<甩牌之謎>>

我地今日黎探討下點解點解點解點解!

<<咩係 PP+EPDM 呀?>>

我地首先睇下佢係咩成份。

基本配方:PP 30 份,充油EPDM(環烷油等)70 份,過氧化二丙苯(DCP) 適量,超細滑石粉適量,其它助劑適量。

環烷油?咁咪係有油份囉?咁當然呢個係主要原因,係呀,PP+EPDM有時係遇熱會出油架,各位摸上去係油油地滑滑地,其實好多車輛都已經係用緊呢個物料做零件,佢係有好處,高彈性,無粘輥性,抗疲勞性、耐磨性和耐介質性、撕裂強度高以及優異的耐臭氧和耐候性能,又可以降解。

PP+EPDM橡膠屬於惰性表面材質,直接使用雙面膠貼合,都會碰到以上提到的問題;所以必須要經過特殊處理後才能達到高強度的粘合效果。

<<咁點算呀?>>

PP+EPDM 材質係會較難接著,需要經過表面處理,與選擇特殊接著劑。

需要使用溶劑、去油劑,將材質表面破壞、去除可塑劑或是表面汙漬,以增加接著性能。

用10秒鐘用力按壓,去除雙面膠之間的空氣,確保互相接觸。

<<其實好多代理都試過甩車牌危機?>>

日本車代理因為本身架車個結構設計係為左安裝日本車牌,而日本車牌又係用鑼絲嘅,所以我地唔係呢度討論。

歐洲車喇,我地做左咁多十年見證過好多代理好多甩牌事故,我地講下幾間有代表性嘅:

Audi – 甩尾牌,點解呢,因為又係個設計問題,裝牌嘅位置,佢有兩粒鐵絲帽凸起左4mm係度,唔特別加高膠貼一定會跌,不過當年我地教代理點處理,到而家就冇左呢個問題。而家,頭牌好似冇架,有某部份都型號甩左唔少,而家代理又係用鑼絲解決,其實係可以貼嘅,不過要啲工夫。

Mazda – 甩頭牌,有部份供港嘅車係歐洲版,佢個頭牌架又係 PP+EPDM,而家佢精呀,香港代理自己加番兩粒拉帽,可以上鑼絲。

Benz – 之前好多車個頭好尖,A呀E呀,用曬萬能膠加五行雙面膠都甩,之後代理轉左而家呢隻有兩邊嘅外框,攝入去嘅好穩陣,不過又大舊又怪左唔少。

Alfa – 頭真係極端彎,代理當年每隻都用熱風槍吹彎先裝,但係就隻隻都花曬咁,受高溫點得架,之後都係鑼絲解決。

Porsche – 佢都係PP+EPDM,但係代理一早知道呢個問題,特別加左一塊生鐵片(而家改左鋁合金片),用鑼絲上住個牌架再貼上車牌,但係就會高左一級離開車身冇咁好睇,引致Macan頭senser響,又係要返黎我地度拆番塊鋁片,經過表面處理,直接裝上車牌架。

BMW – 大家見到頭牌有粒膠就係鑼絲,都係因為之前甩過所演變而成嘅。

VW – 呢間勁呀,前代理用足膠貼,架車設計裝車牌個位係直接貼上油漆表面,缺點係非常難清除污跡,唔用我地嘅無痕膠貼真係會玩死下一手。

Land Rover – 代理個師傅好暴力會用沙紙省左個牌架表面先貼,都有效!

某品牌 – PP+EPDM,PP+EPDM,PP+EPDM,我講三次,係呢個問題,一定要裝牌前用溶劑抹過,再用力按壓安裝!!車多冇時間唔係籍口,車多車牌會甩嘅比例更多引起更多不滿!!

總結:我好欣賞以上有改進嘅代理,我會比啲掌聲,頒予車牌進步獎。其實安裝適當,真係會尋根究底,都可以解決難題,如果一直唔自我檢視,係唔係自己呢,只係識話係人地問題,永遠都唔會解決到問題。

Comments are closed.

Supporter of Content Protector FantasticPlugins.com